2010 წელს, ASB გერმანიის ინიციატივითა და მხარდაჭერით, საქართველოს სამარიტელთა კავშირი (სსკ) კვლავ დაფუძნდა და დარეგისტრირდა როგორც დამოუკიდებელი, არარელიგიური, აპოლიტიკური, არაკომერციული ორგანიზაცია. პარალელურად, ოფიციალურად შეიქმნა ASB საქართველო, რომელიც დღემდე რჩება სსკ-ის მთავარ პარტნიორად და მხარდამჭერად.

ამის შემდეგ, სსკ-მ მნიშვნელოვნად გააფართოვა თავისი საქმიანობა და დაიწყო კომპლექსური სოციალური მომსახურებების შეთავაზება, მათ შორის — ადრეული ჩარევა განვითარების საჭიროების მქონე ბავშვებისთვის, ფსიქოსოციალური მხარდაჭერა და გენდერული ძალადობისა და ოჯახში ძალადობისგან დაცვის სერვისები. აღნიშნული მომსახურებები ხორციელდება მრავალფუნქციური ცენტრების საშუალებით, რომელთაც მართავენ კვალიფიციური სპეციალისტები და რომლებიც მორგებულია ადგილობრივი საზოგადოების საჭიროებებზე.

სსკ არის საქართველოს ბავშვთა ადრეული განვითარების კოალიციისა და შინმოვლის კოალიციის წევრი, ასევე საერთაშორისო დონეზე თანამშრომლობს სამარიტელთა ორგანიზაციებთან ISC პლატფორმის მეშვეობით. სსკ ასევე SAM.I წევრია.

სსკ-ს საქმიანობა ხორციელდება ერთგული დონორებისა და პარტნიორების მხარდაჭერით, მათ შორის: ASB გერმანია, ASB ავსტრია, Aktion Mensch, AMINA, ავსტრიის სპორტის სამინისტრო, გერმანიის ფედერალური საგარეო საქმეთა სამინისტრო და ადგილობრივი მუნიციპალიტეტები.