ASB საქართველომ, საქართველოს სამარიტელთა კავშირთან (სსკ) პარტნიორობით, დასავლეთ საქართველოს სამ ქალაქში — ბათუმში, ზუგდიდსა და ოზურგეთში —დაინტერესებულ მხარეთა შეხვედრები გამართა.
შეხვედრები ჩატარდა პროექტის, RISE საქართველო – უთანასწორობის შემცირება და კრიზისში მყოფ ქალთა მხარდაჭერის გაძლიერება, ფარგლებში, რომელიც ავსტრიის რესპუბლიკის სოციალური დაცვის, ჯანმრთელობის, ზრუნვისა და მომხმარებელთა დაცვის ფედერალური სამინისტროს და ASB გერმანიის მიერ არის დაფინანსებული. პროექტის მიზანი ძალადობის მსხვერპლ ქალებისა და გოგონების სოციალური და ეკონომიკური შესაძლებლობების გაძლიერებაა.
მონაწილეებმა იმსჯელეს ძალადობის პრევენციისა და მასზე რეაგირების არსებული მექანიზმებისა და ამ სისტემების გაძლიერების შესაძლებლობებზე. ასევე, ამავე ფორმატში, ბათუმში განიხილეს ASB-ს კიდევ ერთი მიმდინარე პროექტი „სპორტი, განათლება, გენდერი და ინფორმაცია“, რომელიც დაფინანსებულია Aktion Deutschland Hilft-ის მიერ, პროექტი ფოკუსირებულია საქართველოში მცხოვრები უკრაინელი ქალების მხარდაჭერასა და ინტეგრაციაზე.
