2026 წლის 8-11 მაისს, სერბეთის დედაქალაქ ბელგრადში, გაიმართა ISC-ის მე-8 საერთაშორისო კონფერენცია სოციალური მეწარმეობის შესახებ, რომელსაც პარტნიორი ორგანიზაცია IDC Serbia მასპინძლობდა.
კონფერენციის ფარგლებში მონაწილეებს შესაძლებლობა ჰქონდათ ესტუმრათ სხვადასხვა სოციალურ საწარმოს, გაეზიარებინათ გამოცდილებები და უფრო სიღრმისეულად ემსჯელათ სოციალური მეწარმეობის სფეროში არსებულ გამოწვევებზე, შესაძლებლობებსა და ინოვაციურ მიდგომებზე.
აღნიშნული დღეები წარმოადგენდა არა მხოლოდ პროფესიული განვითარების, ახალი ცოდნისა და თანამშრომლობის გაღრმავების შესაძლებლობას, არამედ მნიშვნელოვანი იყო საერთაშორისო პარტნიორული და მეგობრული ურთიერთობების გაძლიერებისთვის ISC-ის ქსელის წევრებს შორის.
კონფერენციის პარალელურად მონაწილეები გაეცნენ ბელგრადის კულტურულ მრავალფეროვნებას, სერბულ ტრადიციებსა და ადგილობრივ სტუმართმოყვარეობას. არაფორმალურ გარემოში გამართული შეხვედრები და გამოცდილებების გაცვლა ღონისძიებას კიდევ უფრო განსაკუთრებულს ხდიდა.
განსაკუთრებული მადლობა ეკუთვნის მასპინძელ ორგანიზაციას, IDC Serbia-ს მაღალი დონის ორგანიზებისთვის, საინტერესო პროგრამისა და თბილი გარემოს შექმნისთვის.
ასევე მადლობა პარტნიორსა და პროექტის ინიციატორს, Arbeiter-Samariter-Bund-ს, ამ მნიშვნელოვანი შესაძლებლობისთვის.
კონფერენციიდან მიღებული გამოცდილება, ახალი იდეები და საერთაშორისო კონტაქტები მნიშვნელოვანი საფუძველი იქნება სოციალური მეწარმეობის მიმართულებით მომავალი ინიციატივების განვითარებისთვის.
