ჩვენ მხარს ვუჭერთ საზოგადოების ცოდნის, უნარებისა და შესაძლებლობების გაძლიერებას ხელმისაწვდომი განათლების, პროფესიული განვითარების, ცნობიერების ამაღლების კამპანიებისა და თემზე დაფუძნებული ინიციატივების საშუალებით.
ჩვენი მიდგომა ეფუძნება საზოგადოების ინფორმირებულობასა და ცოდნაზე წვდომას. ვთავაზობთ ბუნებრივი კატასტროფების რისკის შემცირებისა და ექიმამდელი პირველადი დახმარების აღმოჩენის ტრენინგებს, ასევე პროფესიული და ცხოვრებისეული უნარების განვითარების კურსებსა და სემინარებს ადამიანის უფლებების, გენდერული თანასწორობისა და ლიდერობის შესახებ — უსაფრთხო და მხარდამჭერ გარემოში, ადგილობრივი საჭიროებების გათვალისწინებით.
ჩვენ ვახორციელებთ თემზე მორგებულ ცნობიერების ამაღლების კამპანიებს ისეთ მნიშვნელოვან საკითხებზე, როგორიცაა ოჯახური ძალადობა, ბავშვთა დაცვა, შეზღუდული შესაძლებლობების მქონე პირთა უფლებები და მენტალური ჯანმრთელობა. ამ კამპანიებით ვებრძვით სტიგმას, ვახალისებთ დიალოგს და ვაძლიერებთ თემის პასუხისმგებლობას მისი წევრების თანამონაწილეობით შექმნილი აქტივობების მეშვეობით.
მოხალისეობრივ საწყისებზე დაფუძნებული თვითდახმარების ჯგუფების, თანატოლთა ქსელებისა და ადგილობრივი ინიციატივების მხარდაჭერის საშუალებით ვაძლიერებთ თემის შესაძლებლობებს, ვახალისებთ კოლექტიურ მოქმედებას და ვუჭერთ მხარს ადამიანებს საკუთარი პრობლემების გადაჭრაში. ჩვენთვის განათლება მხოლოდ ინფორმაციის გაზიარება კი არ არის — ეს არის შესაძლებლობა, შევცვალოთ და გავაუმჯობესოთ ცხოვრება.
