13 მაისს, ავსტრიის საელჩოში გაიმართა საქველმოქმედო ღონისძიება სსკ-ს გორის შინმოვლის პროგრამის მხარდასაჭერად.
ღონისძიებამ გააერთიანა პარტნიორები, მხარდამჭერები და სტუმრები საერთო მიზნის გარშემო - მხარდაჭერა გაეწიათ შინმოვლის პროგრამის ხანდაზმული და მოწყვლადი ბენეფიციარებისთვის.
ღონისძიების ფარგლებში მონაწილეებს შესაძლებლობა ჰქონდათ მოეტანათ ტანსაცმლის დონაციები, ასევე გაცნობოდნენ სსკ-ს შინმოვლის სერვისებსა და მიმდინარე RISE პროექტს, რომელიც დაფინანსებულია ავსტრიის ფედერალური სამინისტროს მიერ და ხორციელდება International Partnerships Austria-ს პარტნიორობით.
შემოსული ტანსაცმლის ნაწილი სიმბოლურ ფასად გაიყიდა, ხოლო ნაწილი გადაეცა სსკ-ს გორის შინმოვლის ცენტრს ბენეფიციარებისთვის დასარიგებლად.
შეგროვებული თანხით სსკ შეიძენს მედიკამენტებსა და ტკბილეულს შინმოვლის პროგრამის ბენეფიციარებისთვის.
გულითად მადლობას ვუხდით ჩვენს პარტნიორებს მხარდაჭერისთვის, თანადგომისა და უწყვეტი თანამშრომლობისთვის:
ავსტრიის საელჩო საქართველოში,
გერმანიის საელჩო თბილისში,
და ASB Georgia
